Viecchie castielle mie

Sta vota so turnate sule sule,

mentr' la sera chiane chiane cala,

da rame a rame nu cardille vola,

ru nide 'a fatte 'n cim' a nu pignuole.

Chesta muntagna, bella era 'na vota

mo è tutta sfriggiat' e marturiata;

z'a so' vennuta pe' ddu' solde appena

tanta bellezza ca prezze nen tene.

M'affacce 'a lu turrione guarde abbasce

ze vere spaliata Campuasce;

ra Sant'Antuone Abbate a le Vazziere

ze virene le ville e le quartiere,

ze virene le ville a luntananza

ma ce sta chi nen te' manch' 'na stanza,

ma grazie a Ddie, ce sta l'aria bbone,

ca fa campà le bbestie e le perzone.

Viecchie castielle mie, viecchie Munforte,

sule vicine a tte trove cunforte;

tu guarde, siente e nen t'entrighe 'e niente,

ma sa' le fattarielle re la gente.

Vulesse fa turnà Cola Monforte

ch' tutte chille ca teneva a corte,

mmieze a picciune ca fanne crù crù

tra antenne, pale e file de la tivù.

(Buldrini - Aurisano)